ជីវិតរបស់ Deryn ពីដើមមក គឺសុខសាន្តរហុតមកដល់ថ្ងៃមួយដែលវេជ្ជបណ្ឌិតបានប្រាប់រឿងដ៏គួរឲ្យតក់ស្លុតបំផុតនោះ គឺ Deryn បានកើតជំងឺមហារីកឈាមស ។ ការវះកាត់បានប្រព្រឹត្តទៅបន្ទាប់ពីនោះ, គ្រសាររបស់ Deryn ហាក់មានក្តីសង្ឃឹមពេលដឹងថាវេជ្ជបណ្ឌិតបានវះកាត់ជោគជ័យ ។
ក៏ប៉ុន្តែ តែប៉ុន្មានថ្ងៃក្រោយប៉ុណ្ណោះ, គ្រួសារ Deryn បានដងពីការពិតមួយថា ឈាមសពុំមែនជាជំងឺមហារីកតែមួយគត់ ដែលកើតចំពោះ Deryn ។ ការធ្វើវិភាគបង្ហាញថា ក្មេងប្រសុនេះនៅកើតជំងឺមហារីកកម្រមួយទៀតមានឈ្មោះថា Langerhans ។
Deryn បន្តប្រឈមមុខជាមួយនឹងមជ្ចុរាជពេលឆ្លងកាត់ការផ្សាំខួរឆ្អឹងជាបន្តបន្ទាប់ក្នុងក្តីឈឺចាប់ ។ មិនតែប៉ុណ្ណោះ ការវះកាត់ថែមទាំងធ្វើឲ្យរាងកាយ Deryn បាត់បង់សមត្ថភាពអង្គបដិបក្ខ ។ ផលវិបាក គឺម្រាមដៃរបស់ Deryn រលេះរលួយ ដោយសារបាក់តេរី ។
«ម្រាមដៃរបស់កូនប្រុសត្រូវរលួយ, ក្រចកដៃបាត់បង់សន្សឹមៗ លេចចេញផ្នែកសាច់ខ្មៅរោលដោយសារឆ្លងមេរោគ ។ រៀងរាល់ថ្ងៃ គេបានអង្វរខ្ញុំសុំឲ្យកាត់ដៃចោល ដោយសារមិនអាចទ្រាំទ្រការឈឺចាប់បាន», ម្តាយរបស់ Deryn រៀបរាប់ទាំងទឹកភ្នែក ។
វេជ្ជបណ្ឌិតព្យាបាលឲ្យដឹងថា Deryn អាចនៅរស់បានតែ ២ សប្តាហ៍ទៀត ព្រោះស្ថានភាពសុខភាពមិនប្រសើរឡើង ។ វេជ្ជបណ្ឌិតប្រាប់ថា ម័រហ្វិនអាចជួយវាបំបាត់ការឈឺចាប់ តែវេជ្ជបណ្ឌិតមិនអាចផ្តល់ឲ្យបានសម្រាប់អ្នកជំងឺកុមារ ។ ចុងក្រោយម្តាយ Deryn បានសម្រេចរកទិញនៅក្រៅទីផ្សារ ហើយសុខភាពរបស់វាបានប្រែប្រួលល្អជាង ។
ពួកអ្នកស្រាវជ្រាវឲ្យដឹងថា ម័រហ្វីន ត្រូវបានទទួលស្គាល់ជួយគ្រប់គ្រងការឈឺចាប់, ពិសេសចំពោះអ្នកកើតមហារីក ៕
No comments:
Post a Comment